影片
更多
2022-01-09
4616 浏览
Feast 圣诞节聚餐多，咁就梗系有餐系自助餐，上次食咗自助山，但质素强差人意😔，失望到连po都冇心情出，但今次呢间东隅系高水平嘅自助餐😋。 东隅位于太古城中心附近，入口系几隐蔽嘅，由商场一入到去就已经系cafe嘅area。东隅N年之前我都去过两次，装修咗之后网上大赞佢嘅食物质素，又令我想去试试🤩。 当日系29/12，圣诞假嘅后两日，去食午市半自助餐，每人$408🤑(可能因圣诞假关系 所以会贵D)，人流唔算多，拎野食唔洗等，枱与枱之间嘅空间大，张枱又大，装修雅致，高楼底，成个用餐体验都好好👍。 员工嘅服务态度有礼亲切，穿著整整齐齐，食物Refill/上菜速度快(应该系话冇refill过)，冇拖枱钱。餐厅以一字形式摆放食物，分类明确(除咗芝士)，但名牌有D有有D冇，又乱咁放，呢点就要减分🧐。 评分:👍出众👍👍very good(encore)👎no need to eatNo👎or👍可以拎/点，唔会伏(P.s.食物质素与你未来/之前嘅体验可有不同，视乎当日出品) 冷盘 冷盘嘅选择可以话系少，一眼睇哂，沙律有得自己捞，捞好嘅沙律有四款，都唔太hea整，有几款cold cut同碟仔食物，寿司
圣诞节聚餐多，咁就梗系有餐系自助餐，上次食咗自助山，但质素强差人意😔，失望到连po都冇心情出，但今次呢间东隅系高水平嘅自助餐😋。
东隅位于太古城中心附近，入口系几隐蔽嘅，由商场一入到去就已经系cafe嘅area。东隅N年之前我都去过两次，装修咗之后网上大赞佢嘅食物质素，又令我想去试试🤩。
当日系29/12，圣诞假嘅后两日，去食午市半自助餐，每人$408🤑(可能因圣诞假关系 所以会贵D)，人流唔算多，拎野食唔洗等，枱与枱之间嘅空间大，张枱又大，装修雅致，高楼底，成个用餐体验都好好👍。
员工嘅服务态度有礼亲切，穿著整整齐齐，食物Refill/上菜速度快(应该系话冇refill过)，冇拖枱钱。餐厅以一字形式摆放食物，分类明确(除咗芝士)，但名牌有D有有D冇，又乱咁放，呢点就要减分🧐。
评分:
👍出众
👍👍very good(encore)
👎no need to eat
No👎or👍可以拎/点，唔会伏
(P.s.食物质素与你未来/之前嘅体验可有不同，视乎当日出品)
冷盘
冷盘嘅选择可以话系少，一眼睇哂，沙律有得自己捞，捞好嘅沙律有四款，都唔太hea整，有几款cold cut同碟仔食物，寿司难得睇落靓仔，有想拎嘅意欲，但刺身得两款😑，仲有切好咗，冻海鲜只有三款，餐厅好似想放弃呢part咁🥴。
冻海鲜
108 浏览
2 赞好
0 留言
虾:望落唔太吸引，好白又细只，但好彩仲系鲜甜弹牙，虾膏带少少creamy😬。
青口:望落同样唔太吸引，又好白，冇乜味，但未到disaster。
螺:入面有屎，质感黏中带弹，但完全冇味。
烟三文鱼:用红菜头腌过，食落偏甜，盖过咸香，鲜嫰香滑，又有少少醋姜味，可encore👍👍。
Parma ham:望落有D啡，唔太新鲜，但唔系太瘦，有油香咸香👍。
卤水牛:片得好薄，唔韧，冇乜卤水味，筋位爽弹，食得过
酸姜皮蛋:皮蛋虽然唔系咁creamy，但下面嘅醋腌姜蒜幼细，蒜好香，好惹味👍
cheese board
91 浏览
0 赞好
0 留言
芝士:放咗喺厨房区，上面系gouda，香滑奶香重，左面嘅偏向干身，但唔系太咸太浓𠮶只，下面系mozzarella条，有嚼头，较smooth，质素唔错👍
寿司
96 浏览
0 赞好
0 留言
立鱼刺身(冇写名牌):切得厚，弹牙有咬口，但乜味都冇👎
北寄贝:爽弹新鲜，唔系纸咁薄𠮶只
三文鱼寿司:三文鱼偏厚，鲜嫩普通，醋饭唔会太冻太硬，以自助餐黎讲算系几好😆
主菜
因为主食即叫即制，冇任何保温而整到D野淋哂/过熟/唔够热/水蒸气搞到好水汪汪等嘅问题，但选择只得四款，份量又细，只可食一round，但就确保到食物质素高，摆盘靓靓仔仔🤩🤩。
猪面颊:
摆盘用心，猪面颊只得三旧，唔抵，肉质未够软腍，偏向结实，肉味浓，有酥香，肥瘦均匀，有侍改进。
烤肉汁(啡色)偏甜，加咗蜜糖，温和，甘笋鲜甜爽口，黑蒜软熟甜美，绿色嘅蓉有强烈嘅独特风味(好似蒜)，带点微辛，smooth，好似系墨西哥辣椒🌶。
鸡胸:
68 浏览
0 赞好
0 留言
鸡皮中心呈金黄色，微脆，难得会食鸡皮，里面肉质异常地极之嫩滑软腍🤯，唔洗点咬(朋友觉得嫩到有D奇怪 我觉得正常)，但鸡味唔明显。
薯蓉质感细腻，蒜香重，可有多些奶香，洋葱仔甜蜜唔腥👍。
泰式黄咖喱:
泰式黄咖喱
153 浏览
0 赞好
0 留言
卖相好靓，将平平无其嘅咖喱变得有食欲，闻落有椰香，温和惹味，香滑，偏甜，椰奶味重，脂香感高，可多些香料味(香茅九层塔)
入面嘅鱼肉极级新鲜，水嫩，入味，配有好夹嘅栗木荀扁豆唔夹嘅番茄，罗勒叶👍
甜品:
大多用咗独立碗碟仔盛著，买相非常之精致，有酒店级水平，并非酒楼级水平😅，大部份都系一口size，可以试到好多款式，雪糕三款都系自家制，但我就冇试到
desserts
71 浏览
0 赞好
0 留言
焦糖炖蛋:可介定酒店甜品大致上既水平系点系，考牌菜，呢个的确系高质，有原粒云呢拿籽👍
Tiramisu cake:用咗个铁杯装著，只得一层Marscopone cheese，可可粉同lady finder/cake，Marscopone轻盈香滑，下面lady finger浸得好耐，有cold brew/咖啡酒Kahula 香味，但个人认为浸得太耐，碗底好多水。👍
柠檬蛋白挞:外层用火鎗烧过，食落沙沙地，偏甜，同下面酸甜光滑嘅柠檬吉士酱配搭得几好👍。
绿茶mousse:mousse最底埋藏咗个抹茶蛋糕，mousse好rich，唔甜，茶叶味浓中带苦，抹茶控黎到呢度一定食爆👍👍。
Macaroon
56 浏览
0 赞好
0 留言
Macaroon:唯一失手之作，蛋白外层过脆，小硬，焗得太耐，碎哂👎
总结：坐得舒服，环境雅致，服务良好，但选择好少，钟意食海鲜寿司任食热嘅人未能满足，食物质素中间水平，冇任何放唔入口嘅野，见到餐厅有用心去摆盘同整甜品，连茶选用嘅牌子都好正(仲有自家制姜茶)😲，可推介呢间，食过呢间嘅人欢迎留言讨论吓你嘅用餐体验👇。
张贴
