甘永泰魚蛋 (已結業)

今日去长洲玩，去咗好多游客推荐嘅甘永泰。叫咗一个豆卜酿鱼肉，$20一串，眼见佢有一个篮分开装住左几串鱼蛋or豆卜，我比完钱佢就随手喺个篮就咁俾咗我。我心谂可能佢啱啱炸完，点知一咬落去成口冻嘅油，好呕心。我即刻走去叫佢帮我一系再炸炸一系换过串，佢话我食过所以唔换，虽则我唔食点知佢系冻，但我亦都冇再同佢坚持，但真系食唔落唯有掉咗佢。我觉得佢收得$20一串最起码应该串野应该要系热既唔理好唔好食，再者，佢间野根本就冇人排队，佢根本就唔需要炸定啲嘢，就算你炸定都好应该系个客叫完之后再帮佢返炸。更重要嘅系，而家系疫情时期根本就唔应该炸定啲嘢就咁放喺度，长洲假期人来人往，甘永泰卫生程度大家有眼得见。真心甘永泰已经系有名无实，建议大家嚟长洲玩留返个肚食其他有心嘅小店。