Victoria Restaurant

营业中

休息中

之前食过价钱唔太贵, 而且环境舒服, 食物质素又唔差, 所以就嚟多一次, 今次就写一写食评。法国芝士多士伴烟肉炒滑蛋 $42呢个就一般般, 因为芝士唔够浓郁, 而且多士唔够松脆, 个烟肉炒滑蛋亦唔太得, 蛋炒得太老。纽西兰谷饲西冷牛扒 $72而呢份水平唔错, 拣咗黑椒汁, 黑椒够晒香口而且带有少少辣味, 而块西冷牛扒整得都唔错, 可以值得一试。以上套餐包埋两杯咖啡或茶, 分别叫咗热朱古力同埋热奶茶, 不过埋单嘅时候先知道, 原来朱古力唔系免费, 系要额外加$5, 如果知道要加钱嘅话, 一定会叫返其他嘢饮, 所以落单嘅时候最好同客讲返声会好啲。