食包 (已結業)

今日嚟到太子行街，喺维景酒店后边开咗间手工burger店，装修风格用咗大胆嘅鲜明黄色，俄罗斯方块装饰玩味十足。舖头以外卖为主，亦可提前线上落单，到店付款及自取；另外有少量空间堂食；即叫即制，制作过程透明，干净卫生。餐牌款式以汉堡为主，另外加$18可以有套餐，套餐包括一款饮品同一款小食，都几抵食👍🏻估唔到饮品除咗罐装汽水外，仲有果汁同茶。WB手打牛王汉堡 果然系王牌之选，汉堡好厚身，材料丰富，有牛肉汉堡扒，芝士🧀，生菜🥬，蕃茄🍅，煎流心蛋🍳 流心蛋蛋浆爆浆😍 汉堡扒都好多肉汁，配上特制酱汁，加埋爽脆生菜同蕃茄减少油腻感，汉堡包烤到外脆内软，好正👍🏻WB手打猪妞汉堡配搭基本同牛堡冇咩分别，猪柳虽然薄身啲，不过煎得好香，滴晒啲肉汁出嚟🤤店主都好细心准备咗手套俾大家，女士食汉堡就唔可以顾仪态啦😂炸薯格；炸洋葱圈 🧅；甜蕃薯条 🍠；炸鸡翼炸物炸到金黄色好香脆，个人比较钟意食炸洋葱圈同甜番薯条，甜甜地，不过整体炸物炸得比较干身，同老板反映咗，佢都话会再调节下火候。Burger真心推荐, 价钱都好合理；舖头堂食空间比较细，小店规模；老板同店员态度都几亲切。