Slash

营业中

休息中

食完饭喺太子想揾间Cafe坐吓，无意中经过呢间Cafe。门面装修同一般Cafe唔同，入到去主要系Bar枱同埋墙边一排座位。入边装修好有风格特色而且摆设好有心思，而楼底比较高，虽然座位唔特别多但高楼底令空间感觉好大。最惊喜系入店内养咗只猫，而且系Pet friendly，所以钟意猫猫嘅一定会好钟意呢间Cafe。本身净系谂住叫两杯咖啡坐一阵就走，而Cafe冇时限，所以坐吓倾偈而且环境几舒服，就决定坐耐d 叫多份甜品。☕️Mocha $55 (+$5转oat milk)价钱同出边一般Cafe偏贵d，但系拉花好有心思，而且咖啡同朱古力味道啱啱好唔会特别太重咖啡味，啱晒我呢啲平时唔点饮咖啡嘅人。☕️Dirty $42咖啡豆味好香，卖相都几靓，味道都唔错。🧇Mixed Berry Cream Croffle $68系一个牛角包窝夫，配朱古力雪糕同杂莓酱。味道唔差，但系份量太少个Croffle有啲细，个酱都系普通果酱，所觉得整体cp普通。