林記車仔麵

营业中

休息中

悠闲嘅星期日，同老公黎到筲箕湾睇戏。睇完戏，已到晚餐时间。难得黎港岛，梗系要去西湾河嘅美食天堂<太安楼>觅食啦。「林记」住港岛东区嘅朋友，应该无人会唔识，唔少明星，饮食节目都有介绍过，所以门口成日都人龙不断。以前住港岛区，曾几何时系我宵夜饭堂。2𩠌$25，3𩠌$31，4𩠌$37车仔面汤底重要唔在讲，𩠌嘅选择重要多。多。多。多。。3𩠌 - 猪红，猪大肠，萝卜 配河粉平日嘅萝卜好好食，好清甜入味，今日有啲失准，有渣~ 猪大肠肥膏不多，猪红好入味。嗜辣嘅我加多两匙辣油，更加惹味。4𩠌 - 红肠，斋，腩肉，猪大肠 配油面猪大肠肥膏不多，红肠，腩肉同样好食，推介斋，索埋汤汁劲好食。