太安樓牛雜

营业中

休息中

太安楼牛杂都好多人排队，就买嚟试下。牛杂有大，中，细份，$60，$50，$40，价钱都唔平，$40都食到正餐饭面😂所以单独叫唔同部位试下，每份$9，都定要叫三份先卖。酱汁有几款选择，有芥辣，辣椒油，甜酱，辣酱。🍴三份牛杂 (牛肚，牛筯，蝴蝶腩) 加辣油 $27份量都足，叫咗多腩汁。腩汁味道咸咸哋，但冇乜卤水味，亦都唔浓。牛肚冇异味，好软淋，牛筯都系好淋，有弹性，胶质会痴住个口，好正。蝴蝶腩好惊喜，有肉有筯，似淋咗嘅牛腩，好好食！加埋辣油，好香，但都几辣，唔系好食得辣加少少好啦！推荐指数: 7.5/10整体嚟讲好唔错，唯独个卤水唔够香浓，炆得淋身，辣油香辣好加分，令牛杂提升到另一层次！