龍記飯店

营业中

休息中

间唔中我都会帮衬呢间龙记食烧味饭，我好钟意食佢d叉烧，可惜今日觉得有d失望。以往我食过叉烧烧肉、叉鸡、叉烧熏蹄等等都好食，点知今次叫叉烧生肠就中伏。今日d叉烧太瘦，好似柴皮咁，叉烧汁依然好味但肉质太「孩」口。生肠一咬落去系爽口但系有少少难咬烂嘅感觉，所以如果好钟意食生肠嘅人，都系去返小食店食啦。白饭水气好重，虽然龙记个烧味豉油好好味，但由于今日d𩠌麻麻地，实在难以送饭。中环太多人12-1点半期间食饭，餐厅可能太忙，服务都麻麻地。有著制服嘅呀姐们都还好，店中有一位著便服疑似老板/店长嘅人，好无礼貌，经过时撞到我只手两次都无反应......我临走前仲见到有客人比热饮辣亲，场面混乱。下次都系拣d非繁忙时间再嚟想再食返佢个正常嘅叉烧。