影片
更多
2009-11-10
45 浏览
今次系第一次嚟胜手，见纲上有弹有赞，决定自己试试。星期日晚8:30去到，冇订台，未满座，侍应带我们坐下，但个环境好怪，因为地方好细，所以食嘢时会望到对面啲人，即系话对面啲人都会望到你，唔惯兼唔钟意。首先要赞赞佢地的服务态度好好，又细心讲解menu，但我见到所有SHABU SHABU SET都系一人前，但价钱并不便宜，和牛餐要四百几蚊，黑豚餐唔记得几多钱，于是我同女友叫咗个海鲜餐，配鱼汤，都要$260. 但又不见得好丰富，有虾、带子、大蚬、巨型蚝，但除咗带了之外每样都系得一只。而那盘菜亦不见得是什么矜贵的菜，咁就二百几蚊！之后我们再叫咗啲串烧，鸡软骨、牛舌、和牛薄烧、蒜头同多春鱼，鸡软骨OK, 冇乜特别，和牛佢地用汁烧，跟本就食唔到牛肉味，而且味道好浓，牛舌同多春鱼就好似烧蕉咗咁，牛舌仲好「鞋」添，最好味系蒜头。食到咁上下，唔够饱，叫多个黑豚，$120，OK，不过不失。食到后面，侍应问我地想跟饭定乌冬，本来想食乌冬，但女友想食饭，因为上次去另一间又系食SHABU SHABU嘅时候食过个饭觉得好特别，于是我地就叫咗个饭，侍应又提我地，如果食饭要唔要加只蛋？心谂，乜唔系跟埋嘅咩？！碗饭嚟到喇
星期日晚8:30去到，冇订台，未满座，侍应带我们坐下，但个环境好怪，因为地方好细，所以食嘢时会望到对面啲人，即系话对面啲人都会望到你，唔惯兼唔钟意。
首先要赞赞佢地的服务态度好好，又细心讲解menu，但我见到所有SHABU SHABU SET都系一人前，但价钱并不便宜，和牛餐要四百几蚊，黑豚餐唔记得几多钱，于是我同女友叫咗个海鲜餐，配鱼汤，都要$260. 但又不见得好丰富，有虾、带子、大蚬、巨型蚝，但除咗带了之外每样都系得一只。而那盘菜亦不见得是什么矜贵的菜，咁就二百几蚊！
之后我们再叫咗啲串烧，鸡软骨、牛舌、和牛薄烧、蒜头同多春鱼，鸡软骨OK, 冇乜特别，和牛佢地用汁烧，跟本就食唔到牛肉味，而且味道好浓，牛舌同多春鱼就好似烧蕉咗咁，牛舌仲好「鞋」添，最好味系蒜头。
食到咁上下，唔够饱，叫多个黑豚，$120，OK，不过不失。食到后面，侍应问我地想跟饭定乌冬，本来想食乌冬，但女友想食饭，因为上次去另一间又系食SHABU SHABU嘅时候食过个饭觉得好特别，于是我地就叫咗个饭，侍应又提我地，如果食饭要唔要加只蛋？心谂，乜唔系跟埋嘅咩？！碗饭嚟到喇，侍应将佢摆喺我面前就行开咗，但系我点识煮啊？佢见我唔动手就同我讲应该点做点做，佢讲就轻松，结果我做嘅时候就一仆一碌，最后煮咗个粥出嚟，仲俾女友咋型，话我咁都唔识煮，哗，上次食有专人服侍嘛。
后来埋单睇下张单，两碟枝豆$40，只蛋要$8，碗饭呢——$16，太贵了！唔知食乌冬使唔使加钱？记得上次去食另一间，人地个set已经包埋个饭同鸡蛋。
埋单总结，啤酒、串烧、SHABU SHABU、甜品系雪米糍，盛惠$769，每人$385，唔抵！未必会再帮衬。
张贴
