八月茶室 (皇后山商場)

营业中

休息中

一大班朋友行完山喺皇后山广场揾嘢食，选择唔多，见到呢间餐厅都算多人帮衬，就入去试吓，不过整体嚟讲质素一般。我哋分别试咗川菜系列、星洲炒米、咖喱饭、肉燥鸡扒饭。餐汤完全系味精汤，饮落去好咸，饮完亦要不断饮清水好口干。川菜系列叫咗水煮鱼，水煮鱼住得比较油腻，食落去亦冇咩麻香味，鱼嘅份量正常，唔算太多，亦有薯粉喺底，不过食完返到屋企觉得胃有啲唔舒服，应该系汤底太油腻。另外星洲炒米望落去色水唔错，但系食落去完全冇味，朋友要加少少辣酱先食到，不过份量真系好多，价钱嚟讲系抵食。咖喱饭嘅咖喱系甜味，完全冇辣味，咖喱颜色偏深黄色，饭嘅份量都系好多。肉燥鸡扒饭比较好食，不过不失，肉燥味少少咸，伴饭食都可以。