影片
更多
2018-06-03
940 浏览
今晚提早造节，一次过庆祝晒家姐生日、父亲节和端午节，原因系家姐月中会去东欧旅行。家姐提议来这里吃晚饭，试下啲怀旧菜得唔得。好彩一早订了位，外面仲有人等紧位。人山人海，感觉好嘈，冷气又唔够。我哋一共8人，店员极力推介我哋食个怀旧6人餐，话好抵食，又唔收加一，加番两件窝贴大明虾都只系每件$16，嫌唔够食就可以加多个菜。见佢咁有诚意，卒之俾佢氹咗落搭。无几耐，另一位店员就拎张上菜纸来，虽然𩠌菜是一样，但系饮品就唔一样啰。佢话本来呢个餐是跟一枝啤酒的，不过未领到酒牌，所以就话换两罐汽水俾我哋。不过，明明张菜单是写明跟三罐汽水的，点解依家只跟两罐! 佢话一切跟电脑入单㖞….我话你都痴嘅，你个咩电脑我唔理，我亦唔系贪多一罐汽水，我只是唔明菜单和上菜纸会唔一样啫，咁唔老实。卒之，佢都系攞多罐汽水俾我哋。茶位收13元，都几贵。啲茶冲多两次水就无晒茶味。【金钱鸡叉烧烧鹅】叉烧OK，烧鹅麻麻，金钱鸡比唔上得龙𠮶啲，失望!【驰名贵妃鸡半只】肉质嫩滑，味道OK，不过略嫌斩得大件。【川贝杏汁炖白肺】揾唔到猪肺，免强揾到件排骨。汤系无川贝味，亦无杏汁味，劣品!【窝贴大明虾】落单时，讲得好清楚要加多两件，点知都系嚟
好彩一早订了位，外面仲有人等紧位。人山人海，感觉好嘈，冷气又唔够。
我哋一共8人，店员极力推介我哋食个怀旧6人餐，话好抵食，又唔收加一，加番两件窝贴大明虾都只系每件$16，嫌唔够食就可以加多个菜。见佢咁有诚意，卒之俾佢氹咗落搭。
无几耐，另一位店员就拎张上菜纸来，虽然𩠌菜是一样，但系饮品就唔一样啰。佢话本来呢个餐是跟一枝啤酒的，不过未领到酒牌，所以就话换两罐汽水俾我哋。不过，明明张菜单是写明跟三罐汽水的，点解依家只跟两罐! 佢话一切跟电脑入单㖞….我话你都痴嘅，你个咩电脑我唔理，我亦唔系贪多一罐汽水，我只是唔明菜单和上菜纸会唔一样啫，咁唔老实。卒之，佢都系攞多罐汽水俾我哋。
茶位收13元，都几贵。啲茶冲多两次水就无晒茶味。
【金钱鸡叉烧烧鹅】
叉烧OK，烧鹅麻麻，金钱鸡比唔上得龙𠮶啲，失望!
【驰名贵妃鸡半只】
肉质嫩滑，味道OK，不过略嫌斩得大件。【川贝杏汁炖白肺】
揾唔到猪肺，免强揾到件排骨。汤系无川贝味，亦无杏汁味，劣品!【窝贴大明虾】
落单时，讲得好清楚要加多两件，点知都系嚟得6件。追问番个店员，等咗10分钟才补回两件出来。味道系好嘅，多士系好松脆的。
【莲香霸皇鸭】
呢个菜就似样啲，鸭炆得腍。里面有好多莲子、白果、栗子和咸蛋黄。味道唔错。【生炆斑头腩】
以份量来计，所谓斑头腩只占两成，其他八成系冬菇片、豆腐、小唐菜、蒜头和肥烧肉皮。【鲜虾荷叶饭】
无荷叶香味，只是一个普通炒饭。以上几道菜食完好耐，几个店员都追问过我哋可以上甜品味? 我哋都答咗几次未得，原因系个【甜梅菜蒸菜心】一直都未来。我哋提出要取消，佢哋又话整紧，好快出来......卒之，由落单𠮶刻计起，等咗个半钟。(哗! 唔通啲菜心要蒸个半钟? 点食呀?)
卒之等到碟菜心出来。食落，菜心的而且确有甜梅菜味，不过，咁细碟收 $78，又贵咗啲。
【香滑马拉糕】
马拉糕切片上，方便食。是香的，不过唔觉滑。【莲茸焗布甸】
呢个都焗得香，里面有莲子茸，唔太甜，算唔错。埋单时，睇到两件追加的大明虾收 $36，哼! 落单时，明明话每件收 $16，依家就两件收 $36，个电脑真系有问题! 不过，我哋都费事嘈。一蚊 tips 都唔会俾!
张贴
