EXP

营业中

休息中

咁岩有两张"金鸭"戏飞，走左嚟又一城同呀妈睇番场笑片笑下。睇完早场又系时候食餐晏仔。时间尚早，仲未到1点，见呢间入面好大，又开扬，人少少就入去试下。本身见有水牛芝士pizza想试下，但早餐都未消化完，惊食落。唯有下次留个肚先食。今次就叫左个南瓜栗子pizza。原谅我见识浅薄，未食过南瓜整嘅pizza。但食落又几特别，南瓜薄片烤过后食落冇左南瓜阵味，反而有阵好淡嘅蕃薯味。加上栗子同埋黑椒，三样野好夹，好岩唔食浓味pizza嘅人，值得推介。份量嚟讲两个人食一个就够饱。仲叫左个墨鱼汁意粉，墨鱼汁都算多，带子ok。味道就不过不失啦。