影片
更多
2018-03-23
514 浏览
今日专登嚟到长沙湾同朋友食晚餐，佢就拣左呢间餐厅，门口相比隔嚟啲舖份外有格调。以为系长沙湾区一间地区小舖，入到嚟估唔到都几大吓。有六款晚餐，应该系每日都会更新。头盘有三款，我哋就食左两款。轻煎带子红菜头香橙樱桃茄沙律伴柚子汁 - 个名好长呀，哈哈！带子有三粒，微微封煎，里面仲系鲜嫩软滑，唔错。香煎鹅肝多士配青苹果沙律 – 食唔到有青苹果㖞，多士香脆再加上鹅肝甘香，味道好夹，有啲清新苹果蓉，唔会觉油腻。椰菜花忌廉汤配蒜蓉包 - 椰菜花味道偏淡，反而更似薯仔汤味道。招牌葡萄牙烤28日乳猪配黄姜饭 黑橄榄莎莎 烧汁 - 烤乳猪有四大件，薄薄外皮脆卜卜，掂。肉质好嫩滑，冇膻味。黄姜饭太干身，而黑橄榄莎莎香气清新有咬口，好特别。传统葡萄牙海鲜烩饭 – 海鲜材料都几多，烩饭有龙虾汁味，好鲜。Set dinner 个甜品可以去甜品柜自己拣，今日有六款拣都算多，有惊喜！拣左木糠布甸同Tiramisu～Order完，隔左阵先上枱，原来要扮靓靓。木糠布甸 – 系一大杯，好正。软滑轻型，甜度适中。Tiramisu – 上面放左块粉红色花瓣，侧面再有啲糖花做装饰，系靓㖞！甜度都适中，但咖啡味略嫌唔够浓。最后饮
以为系长沙湾区一间地区小舖，入到嚟估唔到都几大吓。
有六款晚餐，应该系每日都会更新。
头盘有三款，我哋就食左两款。轻煎带子红菜头香橙樱桃茄沙律伴柚子汁 - 个名好长呀，哈哈！带子有三粒，微微封煎，里面仲系鲜嫩软滑，唔错。
香煎鹅肝多士配青苹果沙律 – 食唔到有青苹果㖞，多士香脆再加上鹅肝甘香，味道好夹，有啲清新苹果蓉，唔会觉油腻。
椰菜花忌廉汤配蒜蓉包 - 椰菜花味道偏淡，反而更似薯仔汤味道。
招牌葡萄牙烤28日乳猪配黄姜饭 黑橄榄莎莎 烧汁 - 烤乳猪有四大件，薄薄外皮脆卜卜，掂。肉质好嫩滑，冇膻味。黄姜饭太干身，而黑橄榄莎莎香气清新有咬口，好特别。
传统葡萄牙海鲜烩饭 – 海鲜材料都几多，烩饭有龙虾汁味，好鲜。
Set dinner 个甜品可以去甜品柜自己拣，今日有六款拣都算多，有惊喜！拣左木糠布甸同Tiramisu～Order完，隔左阵先上枱，原来要扮靓靓。
木糠布甸 – 系一大杯，好正。软滑轻型，甜度适中。
Tiramisu – 上面放左块粉红色花瓣，侧面再有啲糖花做装饰，系靓㖞！甜度都适中，但咖啡味略嫌唔够浓。
最后饮埋餐饮，食饱饱回家去。
张贴
