S2 鐵板燒 (已結業)

朋友同我食生日饭咁我就简左s2依间餐厅，见到做紧折扣好抵食就试左去到餐厅，侍应都好有礼貌，而且都有好多套餐选择，而我地就简左2个A5和牛北海道原只粒贝套餐。吾知系咪因为疫情？佢地会有一次性既筷子头，有啲特别最先上既系沙律同一啲鱼生刺身做前菜然后就系北海道原只粒贝，佢真系好好食，份量又多，一开始吓亲我地，而且好有咬口，我同朋友都好like未食晒，侍应又开始上另一样，就系法式煎鹅肝配水果同爆珠，但鹅肝有啲腻，所以我我食晒。跟住系A5薄烧和牛，我地系7成熟，黎既既时候我发现入面既牛。。。全部都系葱而我系一个好吾钟意葱既人，但点知一试，个牛味其实系遮哂啲葱味，好淋好好食食完牛，其实都6 7成饱😅再黎一个炒饭😅😳又系满满既葱😳😳😳但个饭真系好香，系咸左少少🤏（蟹膏炒饭&蟹籽炒饭）食完饭仲有烧野菜同炒杂菌（好香牛油味）。食完饭，仲有汤啊系用胶袋装既蚬汤，都几好饮，但朋友话偏咸，我个人又ok wo饮完汤，真系完喇，食甜品喇原来系雪糕泡芙，而咁岩店内有打卡送海胆雪糕，咁我地就一于嗌左一个黎试，一上台，已经觉得好可爱，似足海胆咁用海胆板送上，而个味，都好似！系意外惊喜，朋友好like ah！