Cocina 3 Tapas Restaurant & Bar (已結業)

同朋友嚟奥海城揾食，见到呢间酒吧餐厅环境阔落，好适合倾偈饮嘢聚餐咁，就试吓～芒果蟹肉沙律$128香甜清爽嘅芒果肉，配搭啖啖蟹肉，好味又消暑，唔使一分钟就俾我哋清晒😋经典BBQ汁烧猪肋排配松露炒杂菌$248猪肋排烧得恰到好处，唔会太干身，肉质松软，而且好大条！每一啖都沾满浓郁嘅BBQ酱汁～配菜有多种选择，除咗一般嘅薯条或者沙律之外，仲有松露炒杂菌，份量都唔算少，有淡淡的黑松露酱香，值得推介。龙虾汁大虾海鲜宽条面$148酱汁嘅龙虾味就唔系好食得出，宽条面有啲散。不过啲海鲜同埋只大虾鲜味十足！另外，一坐低嘅时候侍应就会摆低墨西哥粟米片配沙律酱，好浓郁嘅芝士味，食到停唔到，食都唔够仲可以refill添呀~呢个系要收费$45嘅～整体来讲，呢间餐厅系同朋友聚餐饮嘢倾偈嘅好去处。