影片
更多
2022-12-21
319 浏览
好耐无行女人街，见今日嚟开呢头，趁机过去逛下，顺便揾个地方食啲嘢。喺排档后面见到有间粉红色门面嘅餐厅，走近一看，原来店铺主打甜品同轻食，而且仲有我至爱嘅牛角包窝夫供应，就一于试下。餐厅装潢以迷人嘅粉浅色为主调，墙身上嘅圆拱形设计很有格调，配上天花嘅粉红芒草挂饰，充满梦幻感觉，非常赏心悦目！点咗份全日早餐，另外再加咗客窝夫同糖不甩。鸡扒全日早餐 ($78)，鸡扒超大块，外皮煎得很香口，肉质丰腴肥美，滑嫩又 Juicy，入口啖啖肉，很滋味。至于其他配料就仲有多士、炒蛋、茄汁豆、烟肉、肠仔、粟米同沙律，用料非常丰富。餐跟咖啡或茶饮一杯 ，点咗杯热咖啡，味道唔错，入口幼滑香浓，可以慢慢叹住饮。另外呢客韩式牛牛窝夫 ($98) 亦非常正，打卡度十足，而且上台时仍热辣辣，未食已经闻到香味，入口外酥脆内松软，散发著阵阵牛油香，味道一流。配料有鲜果、椰子味雪糕同芒果雪糕。两款雪糕嘅质地都好幼滑，甜而不腻，充满热带风情。好耐无食过糖不甩 ($40) 见到店铺有供应，又点嚟试下；味道很不错，丸子软糯烟韧，配上香脆嘅花生碎同香味扑鼻嘅芝麻，令人停不了口！
喺排档后面见到有间粉红色门面嘅餐厅，走近一看，原来店铺主打甜品同轻食，而且仲有我至爱嘅牛角包窝夫供应，就一于试下。
餐厅装潢以迷人嘅粉浅色为主调，墙身上嘅圆拱形设计很有格调，配上天花嘅粉红芒草挂饰，充满梦幻感觉，非常赏心悦目！
点咗份全日早餐，另外再加咗客窝夫同糖不甩。
鸡扒全日早餐 ($78)，鸡扒超大块，外皮煎得很香口，肉质丰腴肥美，滑嫩又 Juicy，入口啖啖肉，很滋味。至于其他配料就仲有多士、炒蛋、茄汁豆、烟肉、肠仔、粟米同沙律，用料非常丰富。
餐跟咖啡或茶饮一杯 ，点咗杯热咖啡，味道唔错，入口幼滑香浓，可以慢慢叹住饮。
另外呢客韩式牛牛窝夫 ($98) 亦非常正，打卡度十足，而且上台时仍热辣辣，未食已经闻到香味，入口外酥脆内松软，散发著阵阵牛油香，味道一流。配料有鲜果、椰子味雪糕同芒果雪糕。两款雪糕嘅质地都好幼滑，甜而不腻，充满热带风情。
好耐无食过糖不甩 ($40) 见到店铺有供应，又点嚟试下；味道很不错，丸子软糯烟韧，配上香脆嘅花生碎同香味扑鼻嘅芝麻，令人停不了口！
张贴
