CoCo都可茶飲 (已搬遷) 新店位置

前几日去补习搭车时经过红磡见到一间新开嘅coco 可都，个脑就'叮'左'珍珠奶茶'四个字出黎。之后补习又咁啱得咁kiu，朋友攞住杯冰冻珍珠奶茶入课室，我成堂就比佢杯珍珠奶茶吸引住，心谂如果落堂后唔去买番杯，今晚一定瞓唔着啦！于是我一完堂就去试新野…coco 都可 我黎啦！！！！ 一入到店里面，我就order左一杯M size 热奶茶半糖比自己， 同一杯L size 冻珍珠奶茶少糖比细妹。其实order时都几烦，本身我话要两杯珍珠奶茶，之后话一杯唔要珍珠，然后又改一杯要热，佢以为我order完想收钱时，我又突然话奶茶要半糖…我都觉自己有啲烦，讲左句唔好意思！但系个女职员唔单只全程无'衰样'，仲笑笑咁话唔紧要，好好态度㖞！好感好感 个职员一收完钱就去冲…见佢好快手，倒粉…落茶…落冰，眨下眼杯野就到手。但系杯热奶茶攞上手唔够热，唔知系唔系因为用胶杯…所以唔可以太热呢？肯定好快冻哂啦… 第一啖饮入口，感觉就系'奶奶奶'…好奶呀！一定落左好多奶粉！但系我又几like㖞，因为我都几钟意多啲奶味嘅奶茶。 饮多几啖，又觉得茶味都够，几好！仲有就系我觉得叫半糖无错，唔系好甜又唔会无味啱啱好！ 总