1仔冰室 (已結業)

行完街，行过少少就见到佢，一来大大个招牌清楚见到，二来都有抵食套餐，最紧要系呢到嘅奶茶，师傅系国际冠军茶王，喜欢叹杯香滑奶茶真心要试！用玻璃水樽上枱，奶茶入口味道浓郁香滑，个樽还可以取走再用，够晒环保！而跟餐转饮要加$20，如果计埋多了个樽用当然都算合理！餐牌选择超多，望见是日晚餐推介，今晚就点了个是日精选晚餐，潮式家鄕煎肉饼 $76，已奉送白饭同例汤或热饮，因本人较喜欢吃肉饼，还有系煎嘅感觉更加香口，而个潮式煎肉饼上枱有六大块，入口啖啖肉好有口感，而配埋个饭就真系一个唔错嘅选择！餐厅都十分阔落整洁，又系一个街坊饭堂好选择！