Marine Seafood Bar & More (已結業)

今日同一大班朋友去左哩间MARINE食晚餐，店内舒适宽躺，10分适合一大班朋友一齐嚟食饭。头盘我哋叫咗芝士火腿拼盘，同埋凯撒沙律，芝士火腿拼盘有芝士配上巴马火腿，加埋凯撒沙律，非常开胃,之后试咗佢哋嘅海鲜拼盘同埋派对蚝餐，海鲜拼盘上嘅海鲜10分新鲜，生蚝更加系非常鲜甜，海水味十足。主菜叫咗斧头扒，德国咸猪手，同埋烧春鸡，德国咸猪手皮脆肉嫩，烧春鸡亦10分香口惹味，特别值得推介嘅系佢哋嘅斧头扒，份量够大嘅同时，肉质鲜嫩，肉味香浓，喜欢食牛扒嘅人绝对要一试，除此之外我哋仲叫咗海鲜包，虎虾等等，食物亦10分高水准，最后食埋个甜品，圆满嘅一餐，非常推荐大家约埋三五知己，去呢间餐厅共聚晚餐。