夏麵館 (已搬遷) 新店位置

放工去左element 行街街，本来谂住行出佐敦食饭。行下行下就九点…攰到投降，唯有系返商场入面食。之前帮衬过德福既夏面馆，小笼包同担担面都几好。因为已经九点，加上element不嬲都冇咩人，唔驶等位；无哂卡位，枱同枱之间既距离好少，好似搭枱咁…眼阔肚窄既我地又嗌得太多喇… 蒜泥白肉 $45﹕薄切腩肉加上爽滑粉皮，配上辣椒蒜汁，惹味开胃。不过我都系钟意谭仔果个极多蒜既版本多d~ 蟹粉小笼包 $48﹕比普通既贵廿蚊，不过食唔出太大分别。皮整得唔系几靓，一夹就穿。 糖醋鱼柳$48: 推介菜色，果然有水准。酸甜味刚刚好，鱼肉啖啖肉而且爽口。 上海粗炒$48﹕主食冇嗌到担担面，非常后悔 劲油既炒面，配料又碎哂；加上唔够味，愈食愈无胃口，要靠豆板酱先清得哂加$3位茶芥，埋单$212。