金鶴拉麵 (利民大廈)

营业中

休息中

极浓龙虾汤拉面一上就闻到好浓郁嘅龙虾汤味，个汤好浓稠好cream，我差唔多饮哂碗汤！叉烧好好食！睇落瘦，但完全唔会痴牙起渣，有啲似厚切生火腿嘅味道，但又唔会咸，好嫩滑，呢个有惊喜。拉面硬度适中，几有咬口，不过吸汤几快，影左几张相，再同朋友倾多几句，就浸到淋淋地，所以真系要衬热食！北海道蟹汤拉面朋友就叫左推介嘅蟹汤，对比龙虾偏清淡，有啲似忌廉汤，但捞埋蟹肉会鲜甜同吊返啲海鲜味，尤其饮最底最精华果几啖汤，劲足料劲鲜明太子鸡翼非常饱满，胀卜卜，表皮好香脆，个馅好够味够辣，系忍唔住好上瘾嘅辣，果然系推介。