黑門水產すいさん (棉登徑)

营业中

休息中

好耐冇得去日本住，但又好挂住日本啲居酒屋，行街黎开尖沙咀见呢间餐厅装修好有日本风格，就黎左呢到食。黑门令蟹味噌甲罗烧店员会帮手烧，仲好细心提点过蟹盖会好热，个蟹膏味超浓超香，成个口腔都系个蟹味。😍😍黑门三文鱼加州反卷本身佢个饭已经做左调味，加埋包住的牛油果，美乃滋酱，仲有大大粒鱼籽，新鲜美味的三文鱼，好有口感好鲜味，呢个好推介。烧鸡皮烧到少少脆口，鸡皮仲带有啲油脂感，邪恶得黎又好正。蒜香烧黑豚腩串好香的蒜味，黑豚腩肥瘦比例刚好。什锦天妇罗有虾，茄子，番薯，南瓜，青椒，冬菇，个茄子好好食，入面切开咗，然之后再调味过。寿喜牛肉锅牛肉有四大片，牛肉味好浓，个汤底味道适中，唔会死咸，配菜都好多，日本粉丝够多又弹牙。呢度食饭人均都系大概$200，以为自己去左日本咁。