小曼谷泰國美食 (已搬遷) 新店位置

今日难得嚟到九龙城，就梗系要食泰国菜啦。虽然九龙城有好多间泰国菜，不过呢间就一下吸引左我哋入去。因为门口有好特色嘅装饰，而且见到里面有好多客，咁就一于今日黎试吓啦。我哋就叫咗个酸辣鱿鱼，系用个炉上嘅，咁就可以keep住热啦。鱿鱼食落唔会太硬，而且食落感觉好新鲜，有少少酸辣味，衬埋真系满分呀。跟住我哋仲叫咗个煎荀壳鱼，个荀壳鱼好新鲜，外面煎得够晒脆，而入面嘅鱼肉又嫩，点埋个汁食好好味啊。我哋仲叫咗一个蟹肉炒饭，个饭炒得够晒干身，而且又够足料。嘢饮方面，我哋叫咗一个椰青波波，同埋一个椰青。椰青波波好特别，出面系椰青肉，而里面系椰汁，听讲仲系泰国直送过黎嫁。呢间泰国野又好味又抵食，难怪喺咁多餐听既九龙城都可以屹立不倒啦。