田浦食肉

营业中

休息中

旅行瘾又发作，想抢张去韩国嘅平价机票又抢唔到，咁就唯有揾间韩国野食下止下瘾先。又要环境有feel，又要食到酱油蟹，咁啱就俾我揾到呢间田浦食肉。一嚟当然就有一堆小菜啦，除左唔少得嘅泡菜，仲有翠玉瓜等等，一开始就已经打开咗个胃口。跟住就到我最钟意食嘅酱油蟹，腌得十分入味，除左蟹肉嘅鲜甜，仲有蟹膏嘅甘香，而且每啖都有酱油嘅香味。咁食酱油蟹，就紧系要跟返韩国嘅食法，衬返个白饭一齐食，咁就可以食尽酱油嘅味道啦。食烤肉都系韩国野重要嘅一部份，呢个烤猪肉套餐一次过就可以食到五花肉同猪颈肉，每件都有烧烤嘅香味，而且肉质鲜嫩，配埋韩式辣酱同菜食真系不得了。朋友就钟意食韩式煎饼，材料丰富之余，仲煎得十分香脆同食到鸡蛋嘅香味，钟意食煎饼嘅真系一定要试。最后，食埋呢个水冷面就真系perfect。入口酸酸辣辣，仲要冻冰冰，真系啱哂呢啲炎热嘅天气。而且食左餐咁丰富嘅野，最啱就系连汤都饮埋，舒解一下腻气。