竇

营业中

休息中

原来新都城三期开咗几间新食肆，可以慢慢试，好开心。第一间就系呢间喺健身中心隔离嘅开放式餐厅，我哋仲坐咗喺最近gym room嘅玻璃隔离，人哋做运动我哋食嘢有啲尴尬。餐厅都坐得舒服，食物可以，职员有礼貌，不过就睇餐牌好似系某个饮食大集团嘅出品。点咗一个茶餐share：法式黑糖西多士，黑糖系香啲，不过多士唔够多蛋液，有啲干。金斯卡邦尼意大利面，听个名以为系咸蛋黄，原来系黄色咸嘅粉丝，味道可以，无咩特别。麻酸辣卤肉糖心蛋台湾白面，呢仲辣嘅试唔到，试食者话正常味。嫲嫲炒薯粉，可以走辣，不过客人用Qr code落单无得拣，要职员嘅机先㩒到走辣。奶盖仙草奶茶，唔好饮，一早整定，个奶盖嘅味好怪。冻奶茶。热奶茶。