影片
更多
2024-08-10
415 浏览
因为个fd之前食过，所以带我嚟食，但服务一开始都令人几难受，选择又少，食物几好环境几好都食不知味。提醒大家，佢个set Menu好神秘，系国家机密黎，比你睇2秒都系我哋嘅荣幸，晚餐有两个set嘅，两个都咁高质，你就唔好考虑咁多啦，2秒好落决定啦。依间店系走「性价比高omakase」嘅路线，选择权唔应该喺你手上面架，关于自由同选择，从来唔应该有期待。另外提提半年前嘅旧客，Menu 变咗，之前个fd话好似啲居酒屋咁有20页食物，好多选择。但今次黎到，连刺身、寿司、天妇罗等等，menu得4页左右。我哋都听到后面𠮶枱同我哋问同一个问题。Menu呢？得呢啲？系呀！有神秘嘅set Menu既。女侍应拎住两张皱皱哋既set menu黎做重点介绍，意思大概系呢个唔系真正嘅omakase，主要系熟食，但系材料绝对值回票价。张set Menu皱皱哋得一份，我同个friend都要扭转个头嚟睇，我就谂住影低张相，还返张纸俾佢。点知佢都几凶恶咁讲：「唔好意思唔影得！」然后好rude咁收走张set Menu，转身离开。我当场呆左，超级尴尬，我以为系我自己孤陋寡闻，唔知道日本餐厅嘅礼仪，唔可以影Menu。但系就算系
另外提提半年前嘅旧客，Menu 变咗，之前个fd话好似啲居酒屋咁有20页食物，好多选择。但今次黎到，连刺身、寿司、天妇罗等等，menu得4页左右。我哋都听到后面𠮶枱同我哋问同一个问题。Menu呢？得呢啲？系呀！有神秘嘅set Menu既。
女侍应拎住两张皱皱哋既set menu黎做重点介绍，意思大概系呢个唔系真正嘅omakase，主要系熟食，但系材料绝对值回票价。
张set Menu皱皱哋得一份，我同个friend都要扭转个头嚟睇，我就谂住影低张相，还返张纸俾佢。点知佢都几凶恶咁讲：「唔好意思唔影得！」然后好rude咁收走张set Menu，转身离开。我当场呆左，超级尴尬，我以为系我自己孤陋寡闻，唔知道日本餐厅嘅礼仪，唔可以影Menu。但系就算系我唔啱，都唔使咁rude咁收走张set Menu，我哋掀来掀去，正式Menu得4页，真系冇几多嘢好拣。
最后我唯有再次招手，同个男侍应讲，我哋唔会影个set Menu 㗎啦，麻烦你俾返我哋睇。男侍应放低set Menu之后，我个friend 仲系十五十六，因为个set Menu都唔完全系佢想食嘅嘢，所以佢又唔死心，想比对返个「正式Menu」，只系将个「正式Menu」冚住咗个set Menu十秒左右，个男侍应竟然过嚟抽走张Set Menu！
呢个时候，我终于知道，原来张set Menu系国家机密嚟㗎！！无可奈何之下，我哋又再叫佢俾多次我哋睇……
我想讲成个考虑嘅过程大概5分钟，最多最多唔超过10分钟。我真系唔系好明白点解佢要喺咁收埋张set Menu。听个女店员嘅语气，佢觉得呢份set 好抵，出面食唔到，其实你性价比真系咁高，怕咩人知呢？我以为系我唔识得礼仪，于是我Google系咪日本Menu唔俾影，但系我只见Google话师傅唔好影，冇人讲过Menu唔俾影。当然各处乡村各处例，每间舖头都有佢要遵守嘅规则，唔俾影真系唔紧要，但你作为侍应，都唔使咁rude！如果你唔俾影menu麻烦你大大只字写低「机密」！！又或者份set Menu真系咁机密，就唔好print出嚟啦，口耳相传啦！又或者如果你系得一份Set Menu咁珍贵，你可唔可以print多几张？唔好系咁收走个客张set Menu……
公平啲讲句，第一次嚟食嘅话，会几开心，因为佢整得几靓，适合打卡，但系我因为太嬲嘅关系，都冇心打卡，净系影咗3张相，你问我食咗啲乜，我真系唔记得呀。每次上菜咁快讲几句，我鬼记得咩？所以刚刚睇番之前𠮶几篇食评，究竟啲食物名字点解可以记得咁清楚？睇嚟啲客人真系好用心咁速记。女侍应最后问我好唔好食？好食嘅。但系我心里面𠮶句系：香港好食嘅地方太多，我唔需要再嚟。
呢次系我第一次写OpenRice Comment，讲真写200字都要时间架……
张贴
