木金餃子製作所

营业中

休息中

之前嚟过一次，店面比较唔同。后尾先知原来佢同另一间餐厅合并咗，所以呢度都有西式意粉可以叫。不过因为今次系专登嚟食饺子，主要都系叫咗水饺同煎饺。双拼 - 臭臭香茜豚肉饺 & 韩式泡菜豚肉饺 一份有8只水饺🥟可以自选汤底，今次拣咗南瓜汤，汤底都几浓郁，感觉好似真系饮紧西式餐汤咁！芫荽嘅味道啱啱好，唔会话太多太劲，抢咗南瓜同其他配料嘅香味。泡菜饺子微辣，食落去啖啖泡菜，但感觉同南瓜汤唔系好夹，用于煎饺会比较适合🤣煎饺 - 黑松露芝士豚肉饺 煎到金黄色，食落都几脆，炸得岩岩好！咬落去有阵阵黑松露味，而加入芝士令佢个煎饺唔会干身，几香口。