日本料理とん勝 (已結業)

又系例记系呢个网揾下TST有乜好食，咁啱揾到呢间评语咁掂，本身谂住剩行尖东都行远D去呢间试下。一睇MENU，哗咁便既，限定猪柳定食五十蚊，其他定食/鱼生饭等都系~$60-100，系咖喱唔知点解OK贵，单叫汁要五十，定价某D都觉少少怪。就一人叫两样野食。滑蛋猪柳丼$80：本身有猪扒拣，但系本人偏向钟意食瘦D，不过猪味都唔错，蛋仲好香好有蛋味，绝对正过某连锁氹氹屋（借近音）；海鲜乌冬$80：有个茶碗蒸，薯仔沙律，个乌冬亦好爽滑，汤底清清地之余再加胡椒，独特得黎都几夹味，料亦都唔少，两旧三文鱼、两只虾同带子。下次行TST必定再战，试佢咖喱。追申：呢个网写果个时间有D问题，因为我果次LUNCH 1430 L.O. 左。