影片
更多
2021-05-26
121 浏览
On The Hill Coffee Bar用上清新简约木系嘅装修，去嘅时候系平日而且未到lunch time，可以坐喺门口窗边，出边劲阳光普照，坐喺窗边有太阳嘅温暖😎但系一啲都唔热，因为我谂佢design嘅时候考虑到阳光呢点，所以头顶有部冷气机，非常舒服😊另外入门口右手边有一张圆枱，中间有一棵树伸展出嚟，光线充足，无论坐低饮嘢或影相都一流，见佢哋有hand drip 手冲咖啡，都有几种豆选择，全部咖啡豆系浅度烘焙，价钱合理，不过真系要赞一赞咖啡师👏🏻佢态度非常好，唔单止有问必答，而且当知道我嘅口味，佢会改变冲调嘅时间，希望更啱我口味，之后仲行过嚟再询问一下味道啱唔啱我饮，咁样嘅服务态度真系要加分再加分👍🏻👍🏻👍🏻重有佢哋部磨豆机都好有型，系少有咖啡店用嘅手磨款，三间店中只有呢间店用呢款磨豆机食物饮品方面🥗☕️*Deluxe Dirty $68- 系佢哋嘅signature，每日限定数量，佢哋话只有佢哋先至做到Deluxe Dirty，普通dirty 饮饮下都会沟埋一齐变咗latte, 果然佢嘅deluxe dirty系唔会沟埋，因为佢哋用特别嘅方法，令奶同水分离，咁样奶就会更浓郁，令到
用上清新简约木系嘅装修，去嘅时候系平日而且未到lunch time，可以坐喺门口窗边，
出边劲阳光普照，坐喺窗边有太阳嘅温暖😎但系一啲都唔热，因为我谂佢design嘅时候考虑到阳光呢点，所以头顶有部冷气机，非常舒服😊
另外入门口右手边有一张圆枱，中间有一棵树伸展出嚟，光线充足，无论坐低饮嘢或影相都一流，见佢哋有hand drip 手冲咖啡，都有几种豆选择，全部咖啡豆系浅度烘焙，价钱合理，不过真系要赞一赞咖啡师👏🏻佢态度非常好，唔单止有问必答，而且当知道我嘅口味，佢会改变冲调嘅时间，希望更啱我口味，之后仲行过嚟再询问一下味道啱唔啱我饮，咁样嘅服务态度真系要加分再加分👍🏻👍🏻👍🏻
重有佢哋部磨豆机都好有型，系少有咖啡店用嘅手磨款，三间店中只有呢间店用呢款磨豆机
食物饮品方面🥗☕️
*Deluxe Dirty $68
Deluxe Dirty
$68
8 浏览
0 赞好
0 留言
- 系佢哋嘅signature，每日限定数量，佢哋话只有佢哋先至做到Deluxe Dirty，普通dirty 饮饮下都会沟埋一齐变咗latte, 果然佢嘅deluxe dirty系唔会沟埋，因为佢哋用特别嘅方法，令奶同水分离，咁样奶就会更浓郁，令到饮嘅时候更creamy更厚，但又唔会盖过咖啡嘅味道，钟意饮奶类咖啡嘅人，一定要试吓，佢真系比一般嘅dirty更突出👍🏻
*Drip Coffee手冲咖啡 $65
Drip Coffee
$65
9 浏览
0 赞好
0 留言
- 佢哋有唔同嘅咖啡豆可以选择，我就拣咗日晒嘅「Panama Geisha blue Esmeralda 巴拿马翡翠庄园蓝标艺妓咖啡」
- Taste note: peach, grapefruit, melon, blueberry，个人觉得佢入口有淡淡嘅melon 味，grapefruit 最出，其次就系blueberry
- 非常推荐饮吓佢哋嘅手冲咖啡，因为可以同咖啡师倾吓问吓，一定会觉得$65，物有所值👍🏻
*Smoked Salmon Salad $78
Smoked Salmon Salad
$78
16 浏览
0 赞好
0 留言
- 佢用嘅蔬菜都好新鲜，三文鱼够晒份量，个人就好钟意佢嘅柚子沙律酱，非常适合夏天食👍🏻
总括嚟讲，我对佢哋好满意，一定会再嚟
张贴
