文博軒

营业中

休息中

呢度系一间餐厅亦都系茶庄，整间餐厅分开左两部分，一部分系品茶既，另一面就系坐低食野，呢间餐厅特别之处系成间餐厅都笼罩住书卷味同埋茶庄气息，装修选材主要用啡红色既木为主，优闲轻松feel，连d野食都系比较清淡，好钟意呢个配搭。今次同miss聚旧，miss特意推荐左呢间餐厅，果然呢度既气氛环境同我呢个中文miss个feel好𠋆，入到黎自己都突然书卷味重左。餐牌仲有中英对照，可以 take care 埋外国人，午餐主要得几款饺子面，虽然选择小，但黎呢度既人应该都系食呢度既环境，够清净，可以同朋友轻轻松松咁倾下计，或者睇下书，叫d小食，饮下茶，度过一个写意既下午。我叫左一个菜心饺子配虾子阔条面，加埋普洱茶。仲有个热水壶系你隔离比你自由添加热水。好简单既配搭，但食得出里面既真，真材实料，饺子系大大粒，多肉，阔条面系比平时既幼身，咬落都弹弹地，仲有菜心做配搭，成碗面都比较清，但并唔会觉得淡而无味，咸淡刚好，真系好健康啊虽然称唔上系d咩美食，但就有种家的感觉。总括黎讲，呢度系适合归隐田园既你，或者文青既你，或者想静静地自己一个思考下人生，或者同三五知己谈下心既你地。