Das Gute (已結業)

继续「好友狂尝曲」系列，好多面包店都有做埋曲奇，Das Gute Bakery都唔例外，原来Das Gute晌香港都有唔少分店。其实Das Gute属于A-1面包集团，风格主要售卖天然健康嘅德国面包为蓝本，售卖含高纤产品为主。晌食友间相聚嘅饭局上，食友送上嘅喺一小包Das Gute什锦曲奇，透明包装衬墨绿色丝带，小巧别致。虽然睇落好似好细包，查实内里都有成廿多块，每块形状一样，以花形饼模吸出嚟，娇小的骰，一啖一粒，当小食又得，当下午茶都得。朱古力曲奇、核桃曲奇、杏仁曲奇、红莓干曲奇整体味道唔错，口感几松脆，香就几香，不过稍为油份重咗啲，所以虽然细细包，但两公婆一次过都唔可以清晒成包，都好吖，分两日嚟下午茶，叹多一转。个人就钟意朱古力同核桃多啲，前者几浓郁，又有啲果仁碎；后者就甚有咬口，麦香又重身啲。至于杏仁同红莓干都唔喺差，只喺嫌佢两者杏仁碎、红莓干都落得有啲手紧，感觉唔够突出啫。一口曲奇，一啖红茶，尝尝曲奇，想想你哋，又要藉此晌度多谢各位食友！