Catio

营业中

休息中

同朋友都好中意猫，不过自己冇得养，就唯有去猫猫cafe玩下啦。今次去左呢间铜锣湾嘅Catio😍一入到Cafe, 发现真系好多猫，但系完全唔会有异味，同埋四围都好干净。呢度d猫猫睇落唔惊人，而且有d猫猫会坐左喺座位上面添🥰真系完全忍唔住摸佢地呀，好彩佢地都完全唔抗拒比人摸😳真系好可爱。食物方面，我地拣左牛肉汉堡配薯条同埋肉酱意粉配沙律。牛肉汉堡扒都几大块同埋好厚肉。唔会太多酱料同埋唔会好咸。配埋d菜，食落感觉上都几健康。而肉酱意粉睇到用左一粒粒嘅蕃茄肉，而唔系净系得茄酱架。所以食落有清新嘅蕃茄味，唔会太浓味。饮品方面，叫左杯热嘅榛子味咖啡，好好味呀，而且有猫猫公仔嘅杯同碟。可以用黎影下靓相☺️冻饮拣左玫瑰伯爵奶茶，味道唔会太浓，饮落几舒服同解渴。