Hea Ha Hea Ha 居酒屋

营业中

休息中

Hea hea ha ha食串烧🍡🍢位于宝勒巷嘅Hea ha hea ha居酒屋🏮，装修简朴干净，墙上高处以一排不同清酒作装饰墙，别具特色；一入门口有张大约坐3-4人bar枱，放工约埋三五知已落黎happy hour，边饮边食一乐也😃；而且店员殷劝嘅招待亦值得一赞👍🏻。🥗蟹肉牛油果沙律嗌前菜先打开个胃口👍🏻，面层满满蟹肉捧，中层有半拌溶嘅牛油果🥑，底部垫左好多新鲜沙律菜，所有材料捞拌均匀，口感一流，沙律菜相当青脆，淡淡柚子醋味道非常清新，相当醒胃前菜。🐟炸池鱼仔池鱼炸得非常干身，一啲油腻感都冇，食落嘅香口又卜卜脆😋。🍡串烧鸡心第一次食鸡心，原来系咁好味嘅，口感略带靭度，但出奇地越𡁻越有肉香🍡串烧鸡肾呢个系每次食串烧必点，更惊喜系鸡肾好厚身，咬口有爽脆度，越𡁻越香，一丁点腥味都冇。🍡免治鸡肉串鸡肉入边应该加左鸡软骨，免治鸡肉松软，鸡软骨卜脆，两者并埋口感多左层次，蘸点埋未熟蛋黄一齐食，令整齐口感更顺滑，而且仲增加蛋香，呢个非常推介👍🏻🍢烧广岛蚝🦪虽然细小，但胀卜卜入口creamy，鲜味出众，蚝鲜爆发力强劲。🍡烧鸡翼我自细钟意食🎼🎼🤣，必嗌串烧，鸡皮烧至干身脆口，但肉质仍保持juicy 。