好燒式串燒專門店 (富祐閣)

营业中

休息中

之前试过旺角同太子既好烧式已经觉得好好食，前两日发现原来元朗都有间分店，地点都几方便，系又新街附近，环境干净，就算系开放式厨房都唔会好大油烟味。店员好好service，好细心，仲同我地介绍有咩好食推介。鳕鱼干份量都几多，配芥末酱，辣辣地几开胃。辣酒煮花甲系店员推介，好出色，花甲啲肉好大只，好鲜甜，又唔会太辣。我地叫左牛脷、墨丸、猪颈肉。盐烧白鳝，皮脆肉滑 $49 价钱好抵食，韮菜切开一半上碟，唔洗串起黎食，好方便。原条蒜蓉烧茄子烧到岩岩好，店员仲比左个夹我地，方便我地夹黎食。顶级安格斯牛小排，我地叫左5成熟，肉质好嫩，配埋黄芥辣，好好食。