PREGIO by Barista Caffe (已結業)

之前去过尖沙咀既Barista Caffe已经觉得唔错，知道佢地开左间分店响鲗鱼涌就一路都好想帮衬下，终于等到今日dayoff所以同好友一齐黎食lunch!为左避开人潮，我地两点几先黎到，唔洗等位！呢度唔算大，大约三十个位左右，都唔算迫。我地每人叫左个set lunch，可以拣长通粉，意大利饭或者薄饼。友人拣左长通粉，我就响menu入面拣左carbonara，再加钱转set!汤，主食水准都唔错，侍应都好有礼貌，加水加得好密。因为我地都好想食甜品，侍应就介绍左2个俾我地！个tiramisu同平时食开既好唔同，因为佢系分开左手指饼，特浓咖啡同芝士！另外仲有一小杯expresso俾你试下味添！好特别！另外一悺系Panna Cotta with Coffee sause, 即系奶冻！呢个系10个好味，非常滑又有云尼拿味！黎到当然唔少得饮杯咖啡啦！我地叫左cappuccino同耶加雪夫，cap维持尖沙咀水准，而另外个杯耶加雪夫酸味适中，带有回甘，都系中上之选！我地咁岩坐响个水吧隔离，个barista仲好有心机介绍俾我地听成个冲耶加雪夫既程序，唔错！总括黎讲都几满意，下次会再黎！