Black As Chocolate (已結業)

弟弟帮我手，出铜锣湾帮阿仔买bb櫈去婆婆到，弟弟系超级朱古力迷，仲要系食极都唔肥个只，为答谢佢既帮忙，就一齐去black as chocolate 买个原味请佢食啦。不得不赞呢到既服务态度，真系好到不得了，细心又有礼。 包装又靓到一个点，拎住个蛋糕盒都觉得自型， 连啲用具都靓过人，我系angel，当然拣天使汤匙啦，单睇外表都好吸引。 论鬼尽既我地，又拎bb櫈又拎蛋糕仲有其他野，唔小心跌左个蛋糕落地，沿途返婆婆到都边惊个蛋糕唔知会变成咩样？ 又好彩㖞，出到黎又唔系变左好多咋㖞^^ 眼见都已经感觉到那份浓郁既朱古力味，一啖入口，简直不得了，浓郁既朱古力香加上有点湿润而蛋糕质地，实在令人好满足好幸福，不过对我而言，一次最多只敢吃一件，心好想再吃，但口知道绝不能，因我不是食极唔肥个批呢。弟弟分了两日来吃，他当然对呢个蛋糕赞口不绝啦，佢试过半夜起身饮水，开雪柜见到就即时想偷食，不过训紧觉就无谓偷吃甜啦，要刷牙嘛。不过虽然明知吃了会肥，但真系好味到令人好想再试其他款呢^o^