影片
更多
2019-05-02
532 浏览
又到一年一度公司阿姐请食饭当然要黎老地方-新陶园海鲜酒家啦！-我地一共15人嗌左以下菜式，饱到晕之余，仲有得外卖走添-椒盐濑尿虾：我嘅最爱🧡啲濑尿虾好大只 大只到系食咗两只已经饱晒！又够晒新鲜弹牙！-上汤伊面龙虾：个伊面底真系好正 入晒啲汤底味 龙虾熟度刚刚好 好易就起到出嚟-豉油皇大虾：钟意重口味嘅人必食！我最钟意成只咬 因为可以chu埋啲皮 唔好睇佢咁脆 但一啲都唔会戒到嘴 特别系啲虾膏位 真系不得了-豉椒炒圣子：呢个有少少辣啦 炒得有少少过左 只能够话不过不失 比起其他就逊色啦😕-奄仔蟹：哇哇哇见唔见到张相都影到啲膏 又系必食嘅一味𩠌-辣酒花螺：如果因为钟意食辣而食呢一味 我觉得可以真系唔使点啦 因为我完全唔食得辣 都竟然食到😓除咗唔辣之外 佢亦冇乜嘢其他味道 真系可以唔食-盐焗花螺：呢个比起辣酒花螺好食太多啦 成个螺都入晒味-粉丝蒸扇贝：蒸得太老 虽然啲粉丝好好食 但个主角真系...-鱼两食 （起肉炒芹菜；炆炸骨腩）：炆炸骨腩投票为众多位同事嘅最爱但我就钟意清炒多啲 因为啲肉质好靓 用黎炸有啲浪费😅-姜葱蒸鲍鱼：呢个我冇食到 但同事觉得一般-姜葱蚝：哇呢个好真系硬到一个点 完全
当然要黎老地方-新陶园海鲜酒家啦！
-
我地一共15人嗌左以下菜式，饱到晕之余，仲有得外卖走添
-
椒盐濑尿虾：我嘅最爱🧡
啲濑尿虾好大只 大只到系食咗两只已经饱晒！又够晒新鲜弹牙！
-
上汤伊面龙虾：个伊面底真系好正 入晒啲汤底味 龙虾熟度刚刚好 好易就起到出嚟
-
豉油皇大虾：钟意重口味嘅人必食！我最钟意成只咬 因为可以chu埋啲皮 唔好睇佢咁脆 但一啲都唔会戒到嘴 特别系啲虾膏位 真系不得了
-
豉椒炒圣子：呢个有少少辣啦 炒得有少少过左 只能够话不过不失 比起其他就逊色啦😕
-
奄仔蟹：哇哇哇见唔见到张相都影到啲膏 又系必食嘅一味𩠌
-
辣酒花螺：如果因为钟意食辣而食呢一味 我觉得可以真系唔使点啦 因为我完全唔食得辣 都竟然食到😓除咗唔辣之外 佢亦冇乜嘢其他味道 真系可以唔食
-
盐焗花螺：呢个比起辣酒花螺好食太多啦 成个螺都入晒味
-
粉丝蒸扇贝：蒸得太老 虽然啲粉丝好好食 但个主角真系...
-
鱼两食 （起肉炒芹菜；炆炸骨腩）：
炆炸骨腩投票为众多位同事嘅最爱
但我就钟意清炒多啲 因为啲肉质好靓 用黎炸有啲浪费😅
-
姜葱蒸鲍鱼：呢个我冇食到 但同事觉得一般
-
姜葱蚝：哇呢个好真系硬到一个点 完全咬唔到 算系最唔好食嘅一样
张贴
