鳴橋燒肉料理 (已結業)

行街行到肚饿饿，见到前面有间日式烧肉放题，话不而迟入去开餐。依间烧肉放题料理既收费都系跟时间入座计，价钱适宜唔算贵。餐厅都几大，环境都唔差，干净企理。睇一睇餐牌撰择都几多。店员先把纸放系烧炉上面，咁样可以减少食物烧焦。首先叫左前菜先，有中华沙律同埋味付螺肉。打头阵既系刺身，三文鱼有油脂食入口好香，全部都好新鲜。之后上既系海鲜类。虎虾只只都大大只，够爽口，帆立贝够晒肥大好味，青口有海水味食落新鲜。再来既系肉类，牛肩肉和牛柳粒也不错，肉质够靓，烧寺来既油份都好香，食入口有入口即溶既感觉。香草鸡翼真系够晒入味，有浓郁香草味。唔指食物好，食烧肉黠都有小小热气，餐有自家煲凉茶比客人任饮，够晒体贴。野食全部任叫，紧系唔好比佢停，我地反覆系咁叫海鲜同肉，次次上台都好快，食物既质数亦都无变差，最后食到饱饱。走之前仲要食甜品。