影片
更多
2021-07-18
676 浏览
今次去蓝田帮个客人睇风水，睇完之后重谂紧去边到食晚饭，点知见到对面有大壹烧鹅，两话不说入去帮衬.原因系..... 曾经帮衬过铜锣湾店，叉烧一级掂，所以又想同叉烧约会.今次好奇怪，打开份 menu 竟然出现选择困难症，秘书助手完全无意见而我又好多菜式想食，但肚只得两个！最想食乳猪，点知售罄，okay，减少一个选择烦少一个，最后点咗叉烧并烧鹅，豉椒炒蚬同松鼠鱼.细细个曾经哽鱼骨，唔多唔少抗拒食鱼，大壹嘅松鼠鱼起哂D最恐怖嘅鱼骨，啖啖鱼肉，外脆鱼肉超嫩滑，再加上偏甜嘅甜酸汁，满意.炒蚬除咗蚬要新鲜之外，就系蚬肉无沙，食咗半碟，一D沙都无，要俾个 like，因为我超怕食鸡蛋有蛋壳，食虾有肠，食蚬有沙.之前我都讲过，依家好多烧味店，油鸡烧鸭烧鹅经常出现一个现像叫"假满足"，即系望埋去好似份量足够，食落跟本无肉，有皮有骨系无肉，大壹烧鹅份量足，无出现假满足，有相有真相，而且皮脆肉嫩，唔点酸梅酱已经好好味，而我亦都无点甜梅酱，俾第二个 like!人生，系要享受，要精彩，要乐趣开心，唔系要长寿，食旧叉烧都话要健康，唔要肥唔要㶶，又瘦又唔甜，搅到口感硬又淡味，边好味边有人生乐趣㗎！见到大壹嘅叉烧，隔住块
原因系..... 曾经帮衬过铜锣湾店，叉烧一级掂，所以又想同叉烧约会.
今次好奇怪，打开份 menu 竟然出现选择困难症，秘书助手完全无意见而我又好多菜式想食，但肚只得两个！
最想食乳猪，点知售罄，okay，减少一个选择烦少一个，最后点咗叉烧并烧鹅，豉椒炒蚬同松鼠鱼.
细细个曾经哽鱼骨，唔多唔少抗拒食鱼，大壹嘅松鼠鱼起哂D最恐怖嘅鱼骨，啖啖鱼肉，外脆鱼肉超嫩滑，再加上偏甜嘅甜酸汁，满意.
炒蚬除咗蚬要新鲜之外，就系蚬肉无沙，食咗半碟，一D沙都无，要俾个 like，因为我超怕食鸡蛋有蛋壳，食虾有肠，食蚬有沙.
之前我都讲过，依家好多烧味店，油鸡烧鸭烧鹅经常出现一个现像叫"假满足"，即系望埋去好似份量足够，食落跟本无肉，有皮有骨系无肉，大壹烧鹅份量足，无出现假满足，有相有真相，而且皮脆肉嫩，唔点酸梅酱已经好好味，而我亦都无点甜梅酱，俾第二个 like!
人生，系要享受，要精彩，要乐趣开心，唔系要长寿，食旧叉烧都话要健康，唔要肥唔要㶶，又瘦又唔甜，搅到口感硬又淡味，边好味边有人生乐趣㗎！
见到大壹嘅叉烧，隔住块玻璃都觉得正，一件叉烧有齐黑㶶边同肥肉，入口有甜味又有黑㶶边嘅香口感又有肥肉嘅较松软感，有齐三种口味！感动！
咁先系享受人生乐趣㗎嘛！咁先感觉人生有希望嘛！
张贴
