小排檔懷舊車仔麵 (已結業)

车仔面真系其中一样香港人嘅文化精髓唔同味道嘅𩠌菜放落同一个碗， 唔同嘅酱汁融合之后， 可以异常地好味！食车仔面我都算挑剔㗎啦，我食开𠮶间系铜锣湾，我觉得系最好食嘅。 今日居然喺深水埗揾到另一间。 每一间车仔档都有佢哋自己特色好味嘅食物，今日索性叫老板娘自己帮我拣 ( 算唔算港式omakase 厨师发板呀)， 好在佢都得闲招呼我，因为已经过咗lunch peak hour老板娘千叮万嘱我一定要落佢哋𠮶个自制辣菜脯， 少少辣少少甜， 原来辣菜脯唔系净系同食粉仔先夹到。讲番啲𩠌，个猪皮真系冇得顶，本身好厚身亦好爽脆， 吸收晒煮𠮶时个汤汁嘅味道， 咬落去啲汁咇返出嚟㗎。 猪红，老板娘话今日唔系最靓，佢话平时果啲系再滑d，我觉得今日果d已经好正啦㖞！ 麻辣猪耳， 耳软骨系爽口得嚟又带微微嘅麻辣味。 牛坑腩好淋，浓浓嘅牛腩汁味。 如果嫌水鱿淡淡地冇乜味，酱汁煮鱿鱼就系好选择。一定要讲下个白云猪手, 爽口得黎渗出一浸醋酸味， 跟住又食到少少甜味。 老板娘真系好鬼好人！专登搭咗几嚿猪手筋俾我试，佢话识食一定系食呢几旧。 可惜系可遇不可求…… 因为呢啲细细嚿嘅筋会 沉咗落去个盘底。 唔系想夹就夹到，一定