一鳴拉麵

营业中

休息中

前两日天气比较冻，好想食啲热辣辣有汤嘅野，见到附近呢间拉面舖评价唔错，所以决定试一试佢!平日7点几去到门口已经有人排队，睇黎生意几好，系呢个位置应该都系做街坊生意。等咗几张枱就可以入啦~睇menu发现原来呢间除咗拉面仲有好多其他野食，串烧、玉子烧、炸物等，都几吸引。我拣咗黑蒜油拉面配叉烧，面就选择咗太面。碗面有好香嘅黑蒜油味，汤底浓厚，猪骨味浓，又唔会太咸。面底爽口，面质软硬适中。碗面仲有半个溏心蛋，溏心蛋煮得啱啱好，有流心蛋黄，抵赞！两块叉烧都好香口，如果油脂再多啲就更完美，因为个人比较中意肥啲嘅叉烧。仲叫咗杯青苹果一千零一夜，系青苹果青柠薄荷特饮，杯野饮嘅颜色有啲似洗洁精，不过都几好饮嘅！下次有机会想试下啲串烧同玉子烧，见到隔离枱叫咗好似都唔错。