天丼 (已搬遷) 新店位置

Yoho Mall呢间天丼成日都见到排哂长龙，所以今日早啲去，6点几去到唔使等位实在太好了天丼 $49黑虎虾、鱿鱼、鱚鱼、茄子、四季豆呢个丼真系好抵食㖞，只要$49，仲有咁多款𩠌！每件天妇罗都系新鲜炸起，咬落去脆卜卜，炸粉适中，唔算好厚！虎虾几大只，好厚肉，肉质都可以，几有咬口。鱚鱼就同普通鱼柳一样，冇咩特别，而鱿鱼就相对韧少少，有口感！茄子有一片，四季豆有两条，有d菜食感觉健康啲。比较惊喜嘅地方系佢嘅天妇罗食落唔会觉得好油腻，非常唔错！另外仲配有面豉汤，几好饮天妇罗冷乌冬定食 $79天妇罗包括有黑虎虾两只、蟹柳、茄子、莲藕同四季豆，款式都几多。乌冬份量都几多下，好大兜，个人比较钟意食冷乌冬，乌冬会较烟韧啲，呢款系扁身嘅乌冬，都几有口感！加埋芥辣+葱花落酱汁度食，好开胃！整体嚟讲，性价比都几高，价钱非常经济，两个人食埋单百几蚊就食到好饱，质素亦相当不错！