糙米家 (已結業)

糙米家除左出名糙米之外，其实仲好健康嘅沙律同蕃茄汤米线。我今日试咗出晒名嘅莲藕虾饼饭，未食我要先称赞佢嘅上菜速度，比起上次我叫嘅米线，佢好快就嚟到，所以中午时间咁多上班一族嚟食。莲藕新鲜炸起，夹著虾饼，脆得嚟又有虾饼嘅弹口，我个人食得浓味，点埋佢嘅甜酸酱啱啱好可以送饭。我反而最欣赏系佢放埋我最爱嘅葱油喺上面，同埋炒得一啲都唔「老」嘅伴菜，结果，我一个女仔清晒整碟饭，我谂好多年冇试过。当然若价钱再平宜啲啲就更好，因为好味嘅餐厅我会经常帮衬。