小菜王 (福榮街)

营业中

休息中

一行五人到呢间小菜王，地点都唔难揾到既，大约7.30左右去到，当日不接受订枱 ，去前打左电话去问，带蛋糕有冇得雪，职员答有，仲话免切饼费，点知当日带左个蛋糕去，多位店员不耐烦叫我等等，喺冇嘢做嘅情况下都唔帮忙拎去雪，比起同区同类型既食肆服务较为逊色。食物方面确是不错的，同行长辈叫咗焗鱼肠，第一次食，好香，入面仲有米粉。花竹虾都揸得好干身，好香口。豉汁嘅食物都好惹味。炸物炸得好好。每款食物份量多，order得返嘅时候，阿姐都好识讲笑，叫我哋自己装，跟住就行咗去。由于我个蛋糕冇冷藏嘅关系，食完饭后只系用嚟影相，食唔到浪费了。