群心茶餐廳 (已搬遷) 新店位置

哈哈! 过完20121221呢日，世界未有「末日」，仍然继续运作，人当然要继续开饭啦！星期六下午，通常都会将个lunch推到下午茶时间食，今日都系一样。心思思又想去食群心既下午茶餐，好挂往个炸鱼柳呀！我每次都必食既下午茶！正！由于系即叫即炸既关系，每次都要等约10分钟，不过我觉得系绝对值得既！相比起连锁快餐店既炸鱼柳，呢Ｄ先叫见得人嘛！材料好，够大块（相比连锁快餐店既炸鱼柳2倍)，金黄色，外面好脆，里面又好滑，口感非常好！再加上系即炸既，热辣辣！顶呱呱！而且，茶餐厅非常细心，预先将支沙律酱同茄汁放入雪柜，人客order左个餐，就成支放响度比个客任落，好大方！热辣辣既鱼柳同薯条配冻冰冰既沙律酱同茄汁，超正！除左炸鱼柳，今次都试埋炸猪扒，都系好大件，抵食！猪扒又系即炸既，炸到金黄色，热辣辣，但完全唔干，仲好juice! 食呢D经典茶餐厅既下午茶，当然唔少得杯热奶茶啦！都系好得！今时今日，仲有咁平，廿二蚊既茶餐，又咁大件，咁好味，真系好抵！真系要多多支持！如果唔系，以后只有连锁快餐店「唔见得人」既炸鱼柳啦！