雲貴川小鬍子 (譚公道)

营业中

休息中

一直系米线关注组同social media foodie介绍中都见过呢间米线觉得几吸引，终于有机会离开土瓜湾就去咗试，质素果然唔差都几好食，去开土瓜湾绝对推介，但未至于会跨区特登去食。小锅米线小辣+麻辣腩肉+木耳丝小锅汤底已经少辣，再加埋麻辣腩肉，我觉得好辣🙈 食到流晒鼻水，所以下次一系腩肉唔好嗌辣，一系汤底唔好辣，除非平时叫开中辣🤣🤣 腩肉同木耳丝都唔差，腩肉唔肥，但有少少韧，不过整体嚟讲系好味嘅。酸辣小辣+猪软骨+墨鱼头呢碗汤底小辣，但𩠌无辣，辣度就啱啱好。猪软骨啲软骨炆得好腍，啫喱状，又入味，墨鱼头就正常。土豆丝及凉拌牛脷调味唔错，十分惹味，而且温度控制得好，唔会太冻，又唔系室温咁暖，两样都好味。