威利華餐廳

营业中

休息中

好味既猪扒米线同必食辣椒酱👍训醒就落楼下食下野，咁就专登等到两几三点先去可以食下午茶。永远黎到都满哂客要等一阵，通常两个人去都要搭台，但真系好多街坊帮衬。今日叫左个猪扒米线，包野饮。由于今日好冻所以叫左杯热柠茶，但平时我叫开冻柠茶，因为佢啲冻柠荼系甜度岩岩好，柠檬都系比较上等既，所以比其他茶记好饮。猪扒米线，一定要落辣醔。好正。叫完五分钟都无就黎到，员工好有效率。卖相虽然无乜特别，平平无奇，但佢猪扒味道好入味，有大约五至六旧，每旧都唔会大细，亦都有一定厚道，同佢唔炸猪扒又唔系剪，我都唔识形容，食落系唔系脆但又够味，所以钟意啖啖肉又唔想食大煎炸既人岩哂。而其他下午茶餐价钱并唔系平所以通常我食黎食去都系叫番呢个😂😂😂 呢个唔系普通超市有得卖，超级好味，落少少都好够味同辣，所以识食既记得落小小。