科記咖啡餐室

营业中

休息中

听同事介绍，第一次去食。搬黎西营盘既正系多小店，行上荷李活道多gallery，感觉好舒服。当大家著靓靓咁黎各店朝圣，我就街坊训醒look揾食，爽。店面干净。早上8点几去食，感觉上去呢d咁出名既老店会态度好差，未成为老街坊既我第一次食真心唔知早餐有无得食猪扒果d就战战兢兢问下早餐有咩食（惊俾人好恶咁话），但个伯伯（睇食评话系家庭经营：咁应该系阿爸/唔知第几代传人）态度好好俾左个餐牌我睇，佢话十点后先有饭，建议我叫猪扒包。猪扒好香脆，有食评话好油我又唔觉wor，不过又可能跟饭先油都未定，份量都算大块，大家乐早餐d猪扒三十几蚊先细块呢。包都好脆。但整体份量唔大，不过我食得姐，我食多半个都仲得，平日早上去既好系可以避开非街坊朝圣既人流。茶饮叫左茶柠茶，佢问我要唔要糖，我仲话我要热，原来佢地会落埋糖落热饮的。