焰淑泰國餐廳 (已結業)

今日经朋友介绍，去左v point 果头食饭，喱间焰淑泰国餐厅应该系新开，之前都唔觉眼呢度附近有呢间餐厅。唔使点等就已经入到去，我哋都觉得呢度嘅环境唔错，几大，同埋都几靓， 最适合成班朋友嚟嘅gathering 。呢度都有几多嘢食，同埋佢每一日都会做优惠，有啲主食会做半价优惠。 星期日就有咖喱软壳蟹配法式面包同埋香叶烧乌头鱼。我哋就拣咗咖喱软壳蟹，因为净系可以拣一样。嘢饮方面我哋就叫咗椰青沙冰同埋蝴蝶豆特饮。首先上咗嘢饮，个沙冰好清甜，好好饮，推介大家叫。而个蝴蝶豆特饮都几得意，到左啲青柠汁落去，就会有蓝色变做紫色，都几有特色，但未到就略甜，我都系钟意椰青沙冰。个冬阴公汤好好饮，同埋有好多材料，佢啲虾系大虾，味道都好好，出乎意料咁好食。个咖喱软壳蟹都唔错，炸得几好，个咖喱都唔错，但有啲咸，要点面包先啱啱好。个生菜包肉都几惹味，但有啲辣，要送下饭先得。至于个phad Thai 都几好味，最钟意佢嘅蛋网。个芒果糯米饭都几好味，芒果几甜，仲有斑斓糯米饭，都几特别。仲有个好特别嘅3色甜品，但有啲甜。人均消费大概$200 左右，都几扺食。