影片
更多
2022-09-16
1071 浏览
今日同屋企人黎澄海小馆食晚饭，其实都食过好多次了，不过呢到既鹅片真系数一数二好食。由于呢间小店面积唔算大（其实有两个舖位，一个对住大街正常既舖位啦，同埋一个喺后巷行入去既舖位（唔系露天/后巷，只系要沿后巷行入去）），怕要等位既关系我地预早打电话去book位先。去到既时候准时8:30pm，都差唔多满座！咁员工姐姐就安排我地6个人坐后巷行入去个个舖位。我地叫左几碟小菜同埋鹅片啦，全部都好好食！！！座位都算阔落，当然唔好expect系好舒服既高级中菜厅咁样，但系系干净舒适的。小菜既价钱大约平均$90一碟，份量正常，加埋味道我觉得算系抵食。菠萝咕噜肉：应该去边食小菜都总有呢碟出现，酸酸甜甜咁好开胃，份量又够。但系略显个皮炸得唔够脆。鹅片（拼卤水豆腐猪大肠）：好瘦好好味，我唔钟意食切得太厚或者太肥既鹅片，呢个真系100分。猪大肠我无食，但系屋企人觉得好食。豆腐一向系我既favourite，所以点我都觉得好食既。咸鱼鸡粒炒饭：饭粒粒粒分明，唔会太油，有咸鱼香，好食。胜瓜云耳炒肉片：新鲜，但少少太油。黄金鲜鱿：每件鱿鱼都有咸蛋黄覆盖，几好食。总共食左$740（加埋白饭同买两罐汽水），我自己觉得以家庭
由于呢间小店面积唔算大（其实有两个舖位，一个对住大街正常既舖位啦，同埋一个喺后巷行入去既舖位（唔系露天/后巷，只系要沿后巷行入去）），怕要等位既关系我地预早打电话去book位先。去到既时候准时8:30pm，都差唔多满座！咁员工姐姐就安排我地6个人坐后巷行入去个个舖位。
我地叫左几碟小菜同埋鹅片啦，全部都好好食！！！座位都算阔落，当然唔好expect系好舒服既高级中菜厅咁样，但系系干净舒适的。小菜既价钱大约平均$90一碟，份量正常，加埋味道我觉得算系抵食。
菠萝咕噜肉：应该去边食小菜都总有呢碟出现，酸酸甜甜咁好开胃，份量又够。但系略显个皮炸得唔够脆。
鹅片（拼卤水豆腐猪大肠）：好瘦好好味，我唔钟意食切得太厚或者太肥既鹅片，呢个真系100分。猪大肠我无食，但系屋企人觉得好食。豆腐一向系我既favourite，所以点我都觉得好食既。
咸鱼鸡粒炒饭：饭粒粒粒分明，唔会太油，有咸鱼香，好食。
胜瓜云耳炒肉片：新鲜，但少少太油。
黄金鲜鱿：每件鱿鱼都有咸蛋黄覆盖，几好食。
总共食左$740（加埋白饭同买两罐汽水），我自己觉得以家庭聚会晚餐黎讲几好食同几抵食，会再黎。
张贴